ارشيف 2017
جمعية بيروت ماراثون بتعتز وبتفاخر بالسفرا المنتشرين بالعالم واللّي بيحملوا أهداف وقيم الجمعية ومن بيناتهم توماس أبراهام رئيس جمعية “Abraham foundation” للأعمال الخيرية اللّي إلتقى البابا فرنسيس وقدملو قميص تذكارية عن الجمعية ونشاط الماراثون وحدّثو عن العلاقة مع الجمعيات الخيرية وكيف بتساعد بيروت ماراثون هالجمعيات …
البابا فرنسيس كان سعيد بقصة جمعية بيروت ماراثون وباركها وبارك كل النشاطات اللّي جايّي …
وهيك بتكون جمعية بيروت ماراثون قدرت توصل لأكبر مرجعية إنسانية بالعالم وهَيِّي بتحمل قلب كبير وخطاب بيدعي للسلام وحرية الشعوب ونبذ الحروب …
شكراً كبيرة لتوماس أبراهام اللّي دايماً حامل اسم وقضية بيروت ماراثون خلال زياراتو الرسمية والدولية لإنّو بآمن إنّو جمعية بيروت ماراثون ليست مجرد نشاطات برياضة الركض وهَيِّي صارت رمز لتوحيد اللبنانيين وتعزيز السلام الداخلي بالنفوس و لإنّو الرياضة عندها قوة لتغيير العالم والركض عنده قوة للتغيير بلبنان .
