خبروني، شو حلو بنهار الماراتون؟
بهاليوم يللي بيتكرّر فيه مشهد واحد،
مشهد واحد للوحدة
للتحدّي … للإرادة … للعزيمة … وللإيمان
بهاليوم اللي منشوف فيه بيروت العاصمة عم تولد من جديد
عم تولد من عيون الناس
وخفقان قلوبن
وصرخات حناجرن
وإيديهن المرفوعة بشارات العطاء
ودعساتن المسموعة متل الموسيقى العم تعزف أحلى النغمات
وحاملة معها أجمل شعارات الفرح ، المحبة والسلام لتجتاز خط الوصول.
خبروني، في أحلا من هيك؟
