جمعية step together من الجمعيات الناشطة اللّي بتهتم بذوي الإحتياجات الخاصة وبتقوم برعاية أولاد من الذكور والإناث لجهة تأكيد قدراتهن الذهنية والبدنية لتسهيل دمجهن بالمجتمع ليكونوا فاعلين ويطبعوا بصمة واضحة بكل المجالات ومن بينها الرياضة اللّي كانت الجمعية على موعد مع نشاط هوّي سباق للركض نظمتو بالتعاون مع جمعية بيروت ماراثون و شارك فيه 80 شاب وصبية وكنت سعيدة وفخورة بحضوري هالسباق وتشجيع المشاركين اللّي كانت عيونهن عّم تلمع فرح وأقدامهن عّم تسابق الريح ليوصلوا خط النهاية وتتزّين أعناقهن بالميداليات ..
وكانت لافتة المبادرة بين فريق عمل جمعية بيروت ماراثون والمشاركين بصنع كعك عيد الفطر السعيد بأجواء عائلية …
هون بدّي وجه كل التقدير والتنويه بدور وجهود الرئيسة المؤسسة لجمعية step together الصديقة د.فالي مرهج والرئيسة الحالية الصديقة د.ريم معوض وبدّي ناشد الجهات الحكومية مراجعة قرار إلغاء أو تخفيض مساهماتها المالية خصوصاً لجمعيات ذوي الإحتياجات الخاصة لإنّو هالأمر جريمة بحق الإنسانية وزيادة وجع وقهر فئة واسعة من أهلنا اللًي يفترض إحتضانهن وتعزيز ظروفهن وحفظ كرامتهن وزيادة المساعدات إلهن …
https://www.facebook.com/groups/251394354912154/?ref=share
# صار-بدها-وقفة-ضمير
