جمعية ماراتون بيروت

ما في اهم من إنّو تصير بيروت عاصمة عالميّة للرياضة والثقافة والفن

ارشيف عام 2017
ما في أهم من إنّو تصير بيروت عاصمة عالميّة للرياضة والثقافة والفن، ولبنان يبقى موجود عالخارطة الدوليّة
يوم أطلقت جمعية بيروت ماراثون فكرة رياضة الركض كان عندا توجّه وحرص
إنّو تكون السباقات تحت عناوين مختلفة وطنيّة وصحيّة وبيئيّة وإجتماعيّة وخيريّة
وتكون كمان إلها صلة بعنوانين أساسيين هنّي الثقافة والفن
وهيك بمجال الثقافة، قدرنا نعمّم ثقافة الركض على طول مساحة لبنان،
أمّا بالمجال الفنّي ، فنحن مجتمعين لنطلق مجسّم RUN اللي هوّي من تصميم المهندس دوري حتّي وتنفيذ طارق شهاب واللي رح يتزيّن ببصمة مميّزة من فنّان مبدع هوّي الرسام العالمي روميرو بريتو اللي شّرفنا بحضورو ليساهم معنا بتظهير صورة رائعة للمجسّم من خلال ريشتو المرهفة وألوانو اللي فينا نقرا فيها بميّة لغة ولغة ومن حولو مجموعة من الفنانين الرسامين اللي حبّوا يشاركونا اليوم واللي إلهن رصيد كبير بمعارض الرسم وهنّي :غنوة رضوان ، فريال الصايغ، مأمون عبد الخالق، إلى جانب طلاب من مركز التنمية الفكرية- شملان ، ومؤسسة الأب أندويخ للصمّ – اللويزة، بعبدا.
…………………..………
هالمشروع إهداء لكل عدّائي السلام بلبنان والعالم، تقديراً لإرادة التحدّي والعزيمة لتسجيل أرقام قياسية، والتأكيد بإنّو الرياضة هيّ لغة عالمية قادرة دايماً تجمع بين الشعوب وتعطّل لغة الحروب، وهون بستشهد بقول للزعيم نيلسون مانديلا :
” الرياضة قادرة على تغيير المجتمع ” …
……………………….……..،،…..،.
بالختام بدّي وجّه شكر كبير وتقدير غالي لكل حدا عم يدعمنا ويساندنا بنشاطاتنا، وشكر كمان للصديق توماس أبراهام ولفريق عمل بيروت ماراثون.
وبتبقى المواعيد اللي جايي فيها كل الخير إلكن وللرياضة وللبنان .
 
 
 
 
 
 
 
 
 
 
 
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *