جمعية ماراتون بيروت

أصدقاء جمعية بيروت ماراثون

أصدقاء جمعية بيروت ماراثون

2017 ارشيف
المدربون
العداءون والعداءات
أنا فخورة وسعيدة بإنجازات مشوار البرنامج التدريبي 542 اللّي فيّي قول عنّو إنّو البرنامج الوحيد المعتمد بمنطقة الشرق الأوسط من قبل مؤسسة رياضية هيّي جمعية بيروت ماراثون أولاً لجهة دوافعو وثانياً لماهيّة شروطو وثالثاً لمستوى نجاحاتو.

هالسنة مثل ما بتعرفوا عم نحتفل بمرور 15 سنة على إنطلاقة فكرة تنظيم سباقات بالركض واللّي بدأنا تنفيذها بالعام 2003 يومها ما كان بلبنان في شي إسمو ثقافة ركض أوسباق لمسافة 195 .42 كلم وكانت الناس تخاف تركض المسافات الطويلة وكان الأمر يقتصر بس على المسافات القصيرة بدافع التسليّة والمرح.

كانت مهمتنا من الأساس تشجيع الناس على رياضة الركض وهدفنا يكون في سباق ماراثون بلبنان مثل عواصم كثيرة بالعالم لإنّو الماراثون هوّي سباق تحدّي وبدّو قدرة تحمّل ولهالسبب كان عدد المشاركين فيه من اللبنانيين قليل وفّكرنا كيف ممكن نزيد العدد مع العلم إنّو المهمة مش سهلة وبدّها وقت ومع التفكير والبحث والنقاش ولدت فكرة البرنامج التدريبي 542 عام 2014 وكانت غايتو يساعد العدائين والعداءات ليقطعوا مسافة الماراثون.

ومن باب التوضيح المقصود برقم 5 إنّو يكون في 5 مدربين ورقم 42 هوّي مسافة الماراثون وبالنسخة الأولى كان عدد المشاركين 55 عداّء وعداءة والفكرة لاقت رواج بالنسخة الثانية وإرتفع عدد المشاركين إلى حوالي 110 عداّئين وعداّءة لكن النسخة الثالثة السنة الماضيّة كانت الأبرز لإنّو إرتفع عدد المشاركين إلى 280 عدّاء وعداّءة
الأمر اللّي دفعنا لزيادة عدد المدربين إلى 12 مدرّب من خيرة المدربين والمدربات وما إكتفينا بحصص تدريبية ببيروت ولكن توجهنا نحو المناطق مثل جونيه … وهيدا ساعد ليرتفع عدد المشاركين بالماراثون من اللبنانيين وقسم كبير منهم كانت مشاركتو لأول مرة بهالمسافة الطويلة وكلّن وصلوا خط نهاية السباق.

وهالسنة إلتزمنا بالتسميّة لناحيّة الأرقام بتعديل المعنى وصار
رقم 5 هوّي عدد الأشهر اللّي بيستغرقها البرنامج ورقم 42 هيّي مسافة الماراثون .
اللّي بيركضوا هنّي الفئة الممّيزة من الناس كونن بيتمتعوا بقوة إيجابيّة وعندن صفة الصبر والتحمّل وبيعرفوا قدراتن العقليّة اللّي بتحفّزن للوصول إلى أهدافن وهنّي بحسب تعريفنا إلهن بجمعية بيروت ماراثون ” عدائي السلام “

الوسوم

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *