مي الخليل

من يكرّم الإنسان يكرّم الخالق…

من الارشيف نشر عام 2018

” من يكرّم الإنسان يكرّم الخالق…”
عبارة بتوقف عندها بكل مرّة بكون موضع تكريم خصوصاً على الصعيد المحلي واللّي كان آخرها مبادرة إتحاد بلديات الجرد الأعلى – بحمدون وأقيمت بكازينو بيسين عاليه هالمكان العابق بأصالة التاريخ وعمالقة الفن اللّي وقفوا فيه وقدَّموا أروع وأعظم أعمالهم…
بكل مرّة بتأثّر وجدانياً وإنسانياً بتكريمي وبشعر بمسؤولية كبيرة بتحتّم عليّي أعطي أكثر وإتواضع أكثر مع شعور داخلي بالسلام والرضى …
والحقيقة إنّو تكريمي بكازينو بيسين عاليه كان إلو خصوصية المكان وحضور الأهل والأحبة وصحبة العمر ومن هون كانت كلمتي وجدانية واستعراض لتجربة جمعية بيروت ماراثون على مدى ١٦ سنة والشكر لرئيس الإتحاد الريّس نقولا الهبر على المبادرة وعلى مضمون كلمة الريّس حسين أبي المنى رئيس بلدية شانيه بإسم الإتحاد اللي كانت عّم تفيض محبة وتقدير لشخصي ولتجربة جمعية بيروت ماراثون والشكر للشاعرة سهام الشعشاع لخواطرها الشعرية الجميلة والصديق ماهر أبي المنى صاحب إستثمار الكازينو اللّي بيعود إلو الفضل بترميم هالمكان الرائع والتاريخي…
وشكر كمان لكل الحضور بهالتكريم من شخصيات وفاعليات عديدة وأهل وأصدقاء وأحبة أحاطوني بمحبتهم وتقديرهم وبقول وعدي للبنان كمّل مسيرتي ورسالتي وإبقى أحمل قضيتي
ليبقى سيد الأوطان …
وختمت بالدعوة للمشاركة بسباق بلوم بنك بيروت ماراثون لعام ٢٠١٨ وموعدو هالسنة ١١ تشرين الثاني المقبل تحت شعار : ” بيروت قلبها بيكبر فينا ” .

الوسوم

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق