من الارشيف 2018
و بيسألوني شو اللي بزودني بالطاقة الإيجابية، بالنشاط وبالحماس،
بقلّن القصص..
قصص الناس اللي بتشارك بماراثون بيروت،
قصص بتفوت عالقلب من دون استإذان
وبتعطينا دفع لنكمل لقدام.
قصص عندها القدرة انها تغير وجهات نظر
و تسلط الضو على مواضيع كتير مهمة بالحياة.
قصص بتردلنا ايمان بالانسانية
بوقت خفّت فيه المحبة و قويت الأنانية
قصص بتذكرنا بجمال التواضع
و بتخلينا نشكر ربنا ع نعمه
قصص،
متل هالقصة اللي بالفيديو،
قصة ماري و ربيع.
قصة ارادة، صداقة، و أمل
قصة أول عداء لبناني كفيف قدر يكمل مسافة ٤٢.١٩٥كم.
أكتر من هيك، قصة عداءة ساعدتو يحقق المستحيل، من دون سابق معرفة فيه.
ربيع و ماري ما خلصت قصتن عخط الوصول بماراتون بيروت.
ركضو ماراتون روما سوا هالسنة، وربيع وصل أسرع ب ٣٧ دقيقة.
و سوا ركضو ١٠كم ب٥٤ دقيقة بسباق الناقورة..
و القصة بعدا ما خلصت،
بالعكس، القصة عم تقوى❤️❤️
