جمعية ماراتون بيروت

جمعية بيروت ماراثون هوايتنا إبتكار الأفكار والنشاطات الرياضية

51119350_2318234068409706_60756624549085184_nدايماً بيقولوا عنّا بجمعية بيروت ماراثون إنّو عايشين بعالم آخر وهوايتنا إبتكار الأفكار والنشاطات الرياضية وهيدي حقيقة موجودة والدليل تحضيراتنا حالياً لتنظيم سباق بالمشي على الثلج Snowshoe Race وهوّي حدث يقام لأول مرة وطرح فكرتو الصديق مكسيم شعيا ليكون من ضمن فعاليات نشاط كبير ومعروف بالتزلج على الثلج من تنظيمو بالتعاون مع الجيش اللبناني تحت عنوان La Patrouille Des Cedres ورح يكونوا هالنشاطين بمنطقة الزعرور بتاريخ ٣ آذار الشهر المقبل .

المهم بالموضوع التحدي من قبلي وقراري بالمشاركة وفعلاً بدأت التمارين مع صديقات الماراثون وبأجواء فيّي قول عنها ما في أجمل ولا أروع.
هالمشاركة بالسباق عزّزت عندي الشعور بإنوّ المرأة ساعة اللّي بتقرّر بتكون مقدامة وملتزمة مبدأ التحدي وخوض غمار تجارب جديدة وهَيِّي ما بتقل كفاءة وأهلية عن غيرها وأحيان كثيرة بيكون إلها قدرة التمايز .
شكراً للخالق اللّي أعطانا وطن جميل ورائع بطبيعتو وأنعم علينا بخيرات مواسمو مثل الثلج اللّي بيرسم أجمل اللوحات على جبالنا العالية.
# لبنان – الأبيض- محبة -و-سلام

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *