جمعية ماراتون بيروت

تجربة جمعية بيروت ماراثون يشارك فيها فئة المكفوفين والمكفوفات

بيسود إعتقاد عند البعض إنّو فاقد البصر ما بيشوف …والحقيقة إنّو هالإعتقاد مش كثير دقيق والدليل إنّو الكفيف قادر يشوف بالبصيرة ويتغلّب على هالإعاقة بقوة إيمانو وإرادتو وعدم الإستسلام وهون التجربة أكبر برهان من خلال تجربة جمعية بيروت ماراثون ونشاطاتها اللّي بيشارك فيها فئة المكفوفين والمكفوفات وعم يكونوا علامات فارقة .
هيدي الفئة جديرة ومن حقها يكون لجانبها مين ياخد بإيديها ويدعمها على كل الصعد وهالأمر بيجسدو البرنامج التدريبي لفئة المكفوفين تحضيراً لسباق بلوم بنك بيروت ماراثون ٢٠١٨ وكانت سعادتي كبيرة بالمشاركة بحصة تدريبية من هالبرنامح وركضت مع العداءة غنى أشقر على مضمار ملعب الجامعة الأميركية بأمسية كانت من أروع الأمسيات شارك فيها معنا الفنان الموهوب جوزف عطيّة اللّي ركض مع العداءة رنا كيوان ونائب رئيس الجمعية العميد المتقاعد حسان رستم اللّي ركض مع العداء المميّز ربيع جمّال .
كمان شارك بالحصة التدريبية كوثر طالب وخليل بيضون إضافة للمساعدين واللّي مهمتهن توجيه العدائين والعداءات اللّي رح يركضوا لمسافتي الماراثون ونصف الماراثون .
وكانت نجمة هالأمسية المدربة العداءة ماري قليعاني اللّي فيّي قول عنها إنها رمز للمرأة الرياضية اللّي بيتطوّع المستحيل وكان إلها المبادرة بإطلاق هالبرنامج “blind with vision” بدعم من جمعية بيروت ماراثون بعد تجربتها الناجحة بدور المساعدة للعداء ربيع جمّال في ثنائي ولا أروع .
يوم الأحد ١١ تشرين الثاني المقبل رح يكون موعد جديد مع القدرات الخاصة لفئة المكفوفين والمكفوفات اللّي رح يزّينوا منصات التتويج.💪💪💪👏👏👏🇱🇧🏆🏆🥇🥈🥉

الوسوم

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *