جمعية ماراتون بيروت
النشاط هوّي سباق Snowshoeing وكان بالتعاون مع مغاوير الجيش اللبناني

من الارشيف
كان يوم غير الإيام العادية …
تحدي … إصرار … عزيمة …إرادة
عناوين إختصرت هاليوم المهم بتاريخ جمعية بيروت ماراثون وكتبنا فيه صفحة جديدة وهاليوم كان الأحد ٣ آذار ٢٠١٩ والمكان منطقة الزعرور والنشاط هوّي سباق Snowshoeing وكان بالتعاون مع مغاوير الجيش اللبناني اللّي هنّي سياج الوطن وكرامة شعبو وبطل قمم الجبال مكسيم شعيا …
اللّي شاركوا بالسباق كانوا أكثر من المتوقع وتفاعلوا بهالنشاط عسكريين ومدنيين وبعضهم شارك لأول مرّة بهالنوع من النشاطات .
والمهم إنّو كان السباق ناجح بكل المعايير وقدر فريق جمعية بيروت ماراثون يكسب الرهان ويكشف عن السمة الإحترافية لكل واحد من أفرادو وينال ميدالية الجوانب التنظيمية واللوجستية الذهبية وأكثر من هيك كان هالنجاح للسباق جواب عن السؤال اللّي طرحو بعض الأصدقاء شو هيّي علاقة رياضة الركض بنشاطات رياضة التزلج .
شكراً لقيادة الجيش الراعية والحاضنة دايماً للنشاطات الرياضية وشكراً لفوج المغاوير قيادة وأفراد وشكراً لمكسيم شعيا ومسك الختام الشكر لفريق عمل بيروت ماراثون اللّي بيبقى عنوان فخر وإعتزاز شخصي .
# التحدي – هويتنا