جمعية ماراتون بيروت

صديقاتي و أصدقائي،

صديقاتي و أصدقائي،
بشرفني شارككم كلمتي اللي القيتها بالمؤتمر الصحفي الخاص بحدث snowshoe race اللي عم بتشارك بتنظيمه جمعية بيروت ماراثون للمرة الأولى:
————
“شعوري بالفرح والإعتزاز كبير إني كون بيناتكم عم شارك بالمؤتمر الصحافي للإعلان عن نشاط برياضة التزلّج، هالرياضة الموسميّة، واللّي بتعتبر واحدة من الرياضات السياحية الشتوية. ومن نعم الله علينا كانت هالسنة كلها خير من خلال المتساقطات من أمطار وثلوج واللّي تجاوزت معدلاتها القياسية الأمر اللّي بيبشّر بموسم تزلّج واعد وناجح .
يمكن البعض منكم يقول : شو العلاقة بين رياضة الركض وجمعية بيروت ماراثون، ونشاط برياضة التزلّج! وبشكل بسيط فيّ قول إنّو كل الرياضات سلسلة متّصلة ببعضها، وأساسها الحركة والمشي والركض.
اليوم نحن بصدد وضع خطة عمل مشتركة ضامنة لتنظيم نشاط هوّي الأول من نوعو من قبلنا بالجمعية ومنأمل ما يكون الأخير على ضوء التجاوب والتفاعل من قبل المشاركين بهالنشاط .
طبعاً لا بد من الإشارة كمان على إنّو واحدة من الإعتبارات الأساسية اللّي دفعتنا بجمعية بيروت ماراثون لخوض غمار هالتجربة المميّزة وجود شريك أساسي وفاعل هوّي الجيش اللبناني الحاضن والداعم دايماً لكل النشاطات.
كل التمنيات بالصحة والقوة والنجاح بهالحدث .
الله معنا … موعدنا ب ٣ اذار ٢٠١٩”

للتسجيل و لمعلومات اضافية: patrouilledescedres.com

الوسوم

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *