جمعية ماراتون بيروت

بلوم بنك ” فكر بلبنان” ، فكر بشعبو ، إقتصادو، زراعتو، ثقافتو

بالأسابيع القريبة الماضية، أطلق بلوم بنك حملة قوية، غزت الشوارع، البيوت والقلوب.

” فكر بلبنان” . فكر بشعبو ، إقتصادو، زراعتو، ثقافتو فكر ب ضيعو ، فنّو ، تاريخو وفرصو. فكر بشبابو ، كبارو ، ماضيه ومستقبلو فكر بضيافتو ، صداقتو وفرادتو.

فكر كيف بيتغلّب عالتحدّيات ، بيكسر كل الحواجز، وبيرتفع وصولاً للقمة.

ونحن، ببيروت ماراثون، منقول نعم، نحن منفكر بلبنان

دايماً منفكر فيه، ورح نضل نفكر فيه

لبنان بقلب كل شي منفكر فيه، منقولو، و منعملو نحنا منركض ل لبنان، منركض لنحكي قصتو للعالم.

هيي قصة شجاعة ووحدة وطنيّة، قصة تحطيم أرقام قياسية، وتحقيق أحلام. قصة بتجسد واقع وطن واكب كل الأحداث ، وكان جزء منها.

هيي قصة عن التغيير، الإلتزام والإيجابيّة.

قصة ماراثون بيخص لبنان.

وهون منخلّي الأرقام تحكي:

48,605 عدّاء وعدّاءة شاركوا بسباق بلوم بنك بيروت ماراثون 2018.

واللافت، ازدياد أعداد المشاركين الأجانب سنة بعد سنة، واللي وصل ل 3815 عدّاء وعدّاءة من 109 جنسيات مختلفة السنة الماضية، علماً إنّو، 36% من هالعدّائين، بيرجعو كل سنة ليشاركوا بالسباق المحبّب لقلوبن، وبيجيبو معهم أصدقاء وعدّائين جدد.

هالأرقام بتدل على ثقة بالجمعيّة، بالحدث، وب لبنان. وهنّي برهان كبير على إحترافيتنا وضيافتنا.

كلنا منعرف إنّو صار عنّا رقم قياسي جديد أحرزو العدّاء المغربي محمد رضا العربي وهو 2:10:41 .

وأول مشاركة لعدّاءة مكفوفة خضعت للبرنامج التدريبي 542 لمدة 5 شهور وقطعت مسافة الماراثون لتكون الأولى بالشرق الأوسط ، وهيي غنى أشقر اللي عمرا 26 سنة.

ومنكفّي بالأرقام لنقول إنّو السنة الماضية شهدت أكبر نسبة مشاركة لدعم قضيّة وكانت النتيجة جمع مبلغ 166.889 ألف دولار أميركي تو ّزعوا عالجمعيّات الخيرية اللي ركضوا المشاركين تحت إسمها. بيبقى نشير إلى إنّو 18.5 مليون دولار هوي المردود الإقتصادي عالبلد، بحسب دراسة قامت فيها شركة &Strategyالدوليّة.

نعم منفكر بلبنان، ومنشكر بلوم بنك ، والسيد أزهري ، منشكركم لدعمكم إلنا ولإيمانكم فينا لمساعدتنا بمهمتنا، لنحرك ونو ّحد المجتمع اللبناني من خلال الركض. سوا، شهدنا نمو ثقافة الركض بالبلد سوا، شفنا الناس عم تتجنّد لتنشر رسالتنا لتشجع الآخرين يتدربوا، يحمسوا ويتطوعوا لتشجعهم يعطوا ، يدعموا ، يركضوا لقضيّة ليصيروا صورة أحسن من ذاتهم يوضعوا لبنان ع خارطة الرياضة العالميّة يحسنوا مجتمعهن و بلدهن،ويركضوا للخير. هالناس، هنّي أساس بيروت ماراثون، ومعهم رح نقدر نحدث تغيير.

مع ثقتكم رح نحرك كل المجتمع اللبناني للخمس سنين الجايين

ًًّلأننا منفكر ب لبنان أولا وأخيرا.

 
الوسوم

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *