أسعدني دعوتي من قبل اللجنة الإستشارية العليا للمؤتمر الدولي لرياضة المرأة العربية حول التحديات والفرص واللّي رح يعقد مابين ٢٧ و٣٠ آذار ٢٠١٩ بالقاهرة ورح تشارك فيه مجموعة من السيدات اللواتي بيحملن تجارب غنية على صعيد القيادة الرياضية بعدة مؤسسات ومن عدة دول ومن بينهم لبنان ورح تكون مناسبة مهمة إحكي فيها عن تجربة جمعية بيروت ماراثون وكيف تحوّل سباق الماراثون لحدث بارز محلياً وعربياً ودولياً وصار عنوان لتعزيز الوحدة الوطنية وإشاعة أجواء السلام ووضع لبنان على الخارطة الدولية وعن تجربة عضويتي باللجنة الجندرية بالإتحاد الدولي لألعاب القوى .
كمان المؤتمر رح يكون مساحة من حرية النقاش حول واقع المرأة الرياضية بدولنا العربية وإستعراض التحديات القائمة وكيفية تجاوزها .
ولا بد من التنويه والتقدير بكل جهود القيمين عالمؤتمر اللّي بيحمل أهمية كبيرة لإنّو بيطرح قضية مركزية عنوانها المرأة والرياضة هالعنوان الّلي رح يبقى حاضر ومطروح للنقاش لحين تحقيق الأهداف المنشودة والواعدة .
