Featuredجمعية ماراتون بيروترياضية

السيدة مي الخليل / الحياة كلها ركض بركض …..

الحياة كلها ركض بركض …..

منركض لشغلنا، لمدرستنا، لجامعتنا،

منركض لموعد، لجمعياتنا الخيرية، لقضايا وطنيّة،

منركض لولادنا ، لنأكّد وجودنا ولنوصل بالأول.

بس لما يصير الركض لمسافة 42 كلم ، منوقف….

المسافة يمكن تكون صعبة وقاسية، بس مش مستحيلة.

ب لبنان ، نحن بحاجة لنركض

نحن أكتر ناس بيحتاجو يركضوا

بحاجة نركض لنخفّف الضغوطات اليومية

لنتنفّس ونواجه التحدّيات

لنكون أقوى ، أصح و سعدا أكتر

ولأنو الركض حاجة، كان البرنامج التدريبي المجّاني 542

برنامج بتنظمو جمعية بيروت ماراثون لتبرهن إنو أي شخص معافى قادر يركض ماراتون ويجتاز خط الوصول لمسافة ال 42,195 كلم .

انطلق البرنامج سنة 2014 وهوي بيربط مدرّبين متطوّعين ذوي خبرة مع عدّائين كلن أمل يركضوا مسافة الماراثون لأول مرّة.

542 بتعني 5 شهور تدريب لمسافة 42 كلم ، و لليوم هيدا البرنامج خرّج 609 عدّائين وعدّاءات ركضوا الماراتون بالسنوات السابقة.

. انزرعنا أولاً ب بيروت وطالت أغصاننا جونيه ، المتن، صيدا، واليوم وصلنا ل طرابلس وجب جنين.

هالشي بيفرّح قلبي . البرنامج عم ينتشر ويحرّك الناس ويخلق عدّاء ماراثوني كل مرّة.

هالأحد بتنطلق أول ركضة هالموسم لل542.. و الله يوفقنا❤️

الوسوم

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *